Միջոցառումներ

Սույն թվականի հունիսի 8-ին Եղվարդի թիվ 3 հիմնական դպրոցն ակտիվ մասնակցեց համապետական շաբաթօրյակին: Մեր դպրոցի աշակերտներն ու ուսուցիչներն ամբողջությամբ մաքրեցին դպրոցի բակը և հարակից տարածքը:

 

Եղվարդի թիվ3 հիմնական դպրոցում տոն էր` <<Վերջին դասը>>, տոն, որ յուրաքանչյուր մարդու կյանքում անմոռանալի հիշողություններ է թողնում: Դպրոցին հրաժեշտ էին տալիս իններորդցիները: Նրանց հոգում հիմա գարուն է, ամեն ինչ ներկված է ծիածանի պայծառ գույներով, այսօր ամեն ինչ թվում է պարզ, ամեն արգելք` հաղթահարելի, որովհետև նրանք այսօր հրաժեշտ են տալիս դպրոցին: Դպրոցի զանգն էլ կարծես նրանց պես խենթացել է: Մի քիչ հուզված, մի քիչ շփոթված, բայց ուրախ ու զվարթ տրամադրությամբ նրանք վերհիշեցին իրենց առաջին սեպտեմբերի մեկը, առաջին ուսուցչին, առաջին փախուստը դասից… Երգը, պարը, ծիծաղը թևածում էին դպրոցի գեղեցիկ դահլիճում:
Վերջին դասի կապակցությամբ շնորհավորական ուղերձ էին հղել Կոտայքի մարզպետ Ռ.Պետրոսյանը, Եղվարդի համայնքապետ Ն.Սարգսյանը, ինչպես նաև դպրոցի տնօրեն Լ. Աղայանը: Նրանք երեխաներին մաղթել են կանաչ ճանապարհ, անսպառ եռանդ և բազում հաջողություններ: Միջոցառմանը մասնակցում էր դպրոցի կառավարման խորհրդի անդամ Ք. Մանուկյանը:

 

Մայիսի 17-ին Եղվարդի թիվ 3 հիմնական դպրոցում հերթական միջոցառումն էր, որ կրում էր <<Ազգիս հենասյուները>> խորագիրը (ուսուցիչ` Լ.Մկրտչյանը): Յուրաքանչյուր ազգ կանգուն է իր լեզվով, հավատով, պատմությամբ ու ամուր ընտանիքով: 8-րդ դասարանի աշակերտները երգով, պարով ու ասմունքով ներկայացրեցին Հայաստանի խորհրդանիշների՝ դրոշի, զինանշանի և օրհներգի, ինչպես նաև հայ ազգի մյուս հենասյուների մասին: Միջոցառմանը ներկա էր Կոտայքի մարզպետի խորհրդական Ա.Բարսեղյանը, որն իր խոսքում հավաստեց, որ նման հայեցի դաստիարակության շնորհիվ է կանգուն ազգը:

 

Մայիսի 16-ին Եղվարդի թիվ 3 հիմնական դպրոցի դահլիճում կրկին տոն էր։ Առաջին դասարանցիները (դասվարներ` Ռ. Արսենյան, Ս. Մարտիրոսյան, Ա. Ավագյան) հրաժեշտ էին տալիս այբբենարանին։ Ծրագրում տեղ էր գտել նաև հայրենասիրական թեման։ Դահլիճում թևածում էր ասմունքն ու երաժշտությունը։

 

Մայիսը հաղթանակների ամիս է։ Հազարամյակների պատմություն կերտած մեր ժողովրդի կյանքում նշանակալից ու բախտորոշ է մայիսյան եռատոնը:
Այս տարի ևս մայիսի 9-ին Եղվարդի թիվ 3 հիմնական դպրոցի ուսուցչական ու աշակերտական կոլեկտիվները այցելեցին Եղվարդի Հայրենական մեծ պատերազմի և Արցախյան հերոսամարտի հերոսների հիշատակին նվիրված հուշահամալիր և իրենց հարգանքի տուրքը մատուցեցին հաղթական պատմություն կերտած հերոսների հիշատակին:

 

Ապրիլի 30-ին Եղվարդի թիվ 3 հիմնական դպրոցում հերթական դաս-միջոցառումն էր` նվիրված Մեծ եղեռնի անմեղ զոհերի հիշատակին (ուսուցիչ` Ա.Աղայան): 8-րդ ա դասարանի աշակերտները վերհիշեցին մեծ բանաստեղծների` Դ.Վարուժանի, Ռ.Սևակի, Սիամանթոյի անմահ ստեղծագործությունները, ոգեկոչեցին անմեղ զոհերի հիշատակը: Միջոցառումը, որ կրում էր <<Ով պատմություն ունի չի կարող ետ չնայել>> խորագիրը, մի անգամ ևս հաստատեց հայերի ճշմարտացի պահանջը. անցյալը չի կարելի մոռանալ, այն պետք է հիշել, դասեր քաղել, որպեսզի այլևս չկրկնվի:

Այսօր` ապրիլի 24 -ին Եղվարդի թիվ 3 հիմնական դպրոցի ուսուցչական կոլեկտիվը մասնակցեց 1915 թ. ցեղասպանության անմեղ զոհերի հիշատակին նվիրված համայնքային միջոցառմանը, որին մասնակցում էին նաև թիվ 3դպրոցի աշակերտները: Եղվարդի ս.Աստվածածին եկեղեցու բակում աղոթեցին, խնկարկեցին ու ոգեկոչեցին սրբադասված նահատակների հիշատակը և ծաղիկներ խոնարհեցին անմեղ զոհերի հիշատակին նվիրված հուշարձան-խաչքարին` մի անգամ էլ փաստելով.հիշում ենք ու պահանջում:

 

Ապրիլի 4-ին Եղվարդի թիվ 3 հիմնական դպրոցի IVդ դասարանի աշակերտները (դասվար` Հ. Հակոբյան) կազմակերպել էին միջոցառում <<Ողջույն քեզ, գարո՛ւն>> խորագրով։
Աշակերտները ներկայացան երգով, պարով և ասմունքով` գարնանային տրամադրություն հաղորդելով բոլոր ներկաներին։

 

Սույն թվականի մարտի 23-ին Եղվարդի թիվ 3 հիմնական դպրոցն ակտիվ մասնակցեց համապետական շաբաթօրյակին: V-IX դասարանի աշակերտները, ուսուցիչներն ամբողջությամբ մաքրեցին դպրոցի հարակից տարածքը:

 

Մարտի 15-ին Եղվարդի թիվ 3 հիմնական դպրոցի VIգ դասարանի աշակերտները   ներկայացրեցին գրական-երաժշտական ցերեկույթ՝ նվիրված Կոմիտասի ծննդյան 150-ամյակին /ուսուցիչ՝ Մարինե Կարապետյան/: Երեխաները ներկայացրեցին մեծ երգահանի կյանքն ու գործունեությունը, երգեցին և պարեցին՝ իրենց հարգանքի տուրքը  մատուցելով հայ երգի երախտավորին: Ներկաները՝ ուսուցիչները, ծնողները մեծ բավականությամբ հետևեցին միջոցառմանը:

ՇՆՈՐՀԱՎՈ՛Ր ՏՈՆԴ, ՀԱՅՈՑ ՀԱՂԹԱԿԱ՛Ն ԲԱՆԱԿ: Եղվարդի թիվ3 հիմնական դպրոցի 7-րդ գ դասարանի աշակերտները (դասղեկ՝Ալլա Իսահակյան) կազմակերպել էին միջոցառում` նվիրված Հայոց Բանակի օրվան:
20.12.18թվականին Եղվարդի թիվ 3 հիմնական դպրոցի դահլիճում ամանորյա ուրախ, տոնական տրամադրություն էր տիրում։ Դպրոցի I-IV դասարանների թվով 400 աշակերտներին հյուր էին եկել Ձմեռ պապը, Ձյունանուշիկը, հեքիաթների հերոսները։ Եղվարդ քաղաքի համայնքապետարանը I և II դասարանների աշակերտների համար տոնական նվերներ էր պատրաստել, իսկ դպրոցի ծնողական խորհուրդը անակնկալ նվերներ էր պատրաստել նաև III և IV դասարանցիների համար։ Աշակերտների ուրախ տրամադրությունը կրկնապատկվեց, երբ դպրոցի երգի-պարի խմբակի ղեկավար Հասմիկ Մկրտչյանը աշակերտական խորհրդի հետ ներկայացրին հեքիաթների հերոսների մասնակցությամբ երաժշտական բեմադրություն։

2018 թ-ի դեկտեմբերի 7-ին Եղվարդի թիվ 3 հիմնական դպրոցի  աշակերտական խորհուրդը  կազմակերպել էր հիշատակի օր՝ նվիրված Սպիտակի երկրաշարժին: Նշեցին, որ ահեղ, ավերիչ  երկրաշարժը խլեց 25000 մարդու կյանք, խեղվեցին նույնքան  մարդկանց ճակատագրեր:

Հնչեցին Շառլ Ազնավուրի <<Քեզ համար Հայաստան>> երգը  և <<Երկրաշարժ>>  կինոֆիլմի երաժշտությունը…

2018թ.  նոյեմբերի 20-ին Եղվարդի թիվ 3 հիմնական դպրոցում թևածում էր տերյանական աշնան ոգին (ուսուցիչ Ա. Աղայան): Երեխաները վալսի հնչյունների ներքո  գեղեցիկ ասմունքեցին անմահ բանաստեղծի ստեղծագործությունները: Այնուհետև բեմականացրեցին մի հատված հունական դիցաբանությունից` ներկայացնելով տարվա եղանակների հերթափոխության գաղտնիքը:

Երգ, պար, ասմունք…

Միջոցառմանը, որը կրում էր <<Աշնանային սիմֆոնիա>> խորագիրը, ներկա էր Կոտայքի մարզպետ Ռ. Պետրոսյանը: Իր ելույթում նա շնորհակալություն հայտնեց և՛ աշակերտներին, և՛ ուսուցիչներին` նշելով, որ դպրոցը ոչ միայն գիտելիքի, այլև մշակույթի պահպանման և փոխանցման դարբնոց է:

Նոյեմբերի 9-ին Եղվարդի թիվ 3 հիմնական դպրոցի VII գ դասարանի աշակերտները (դասղեկ` Ալլա Իսահակյան) հյուրընկալվեցին Եղվարդի կենտրոնացված գրադարանային համակարգ: Գրադարանում աշակերտները ներկայացրեցին փոքրիկ դաս-միջոցառում՝ նվիրված ֆրանկոֆոնիային և մեծն շանսոնյե Շառլ Ազնավուրին:

Նոյեմբերի 9-ին Եղվարդի թիվ 3 հիմնական դպրոցի IIIա դասարանում տոն էր: Դասվար  Ա. Սարդարյանը կազմակերպել էր գեղեցիկ միջոցառում՝ նվիրված Երևանի 2800 ամյակին:

Աշակերտները անկաշկանդ ելույթ ունեցան, երգեցին, պարեցին:

Տեսասահիկով ցուցադրվեց հին ու նոր Երևանի մասին կադրեր, կազմակերպվեց նաև շրջագայություն-ցուցադրություն, որն ընդգրկում էր երեխաների անհատական նկարները:

Հոկտեմբերի 26-ին Եղվարդի թիվ 3 հիմնական դպրոցի աշակերտական խորհուրդը և ԴԱԿ Ն. Հարությունյանը դպրոցի VI-VIII դասարանների աշակերտների ուժերով կազմակերպել էին <<Ոսկե աշուն>> խորագրով ցուցահանդես-միջոցառում:
Աշունը դպրոց էր եկել վառ գույներով, լի կողովներով: Աշնանային այգու գողտրիկ անկյուն հիշեցնող սրահը զարդարված էր բազմագույն, խայտաբղետ թփերով ու տերևներով, հետաքրքիր աշխատանքներով:
Հնչում էր աշնանային մեղեդի:
Ներկաները հիացած էին աշակերտների ձեռքերով պատրաստած հետաքրքիր աշխատանքներով:
Վերջում կազմակերպիչները պարգևատրվեցին շնորհակալագրերով:

Եղվարդի թիվ 3 հիմնական դպրոցում հոկտեմբերի 22-ին անցկացվեց սեմինար-պարապմունք ծնողների համար «Կանանց ռեսուրսային կենտրոն» ՀԿ-ի կողմից:
Այդ ծրագրի շրջանակներում ստեղծվել է «Ծնողներ հանուն երջանիկ երեխաների» ծնողական նախաձեռնությունը, որի անդամներն են ՀՀ տարբեր մարզերի և Երևանի շուրջ 600 ծնողներ: Նախաձեռնության անդամների շարքերում կան նաև երեխաների պաշտպանության հարցերով զբաղվող մասնագետներ՝ հոգեբաններ, սոցիալական աշխատողներ, հանրային առողջապահության ոլորտի ներկայացուցիչներ:
Գնահատելով հասարակությունում առկա ծնող-երեխա արդյունավետ հաղորդակցման հաստատման համար անհրաժեշտ կարիքները՝ խմբի ակտիվ ներկայացուցիչները մշակել են 5-օրյա հանդիպումների շարք այլ ծնողական խմբերի հետ՝ փորձի փոխանակման և առկա հիմնախնդիրների շուրջ արդյունավետ լուծումներ ուրվագծելու նպատակով: Ընդհանուր առմամբ, նախաձեռնության նպատակն է իրազեկել Երևանի և մարզերի ծնողներին իրենց երեխաներին առնչվող խնդիրներին և այդ խնդիրները լուծելու նպատակով առաջարկել արդյունավետ մեխանիզմներ:
Եղվարդի թիվ 3 հիմնական դպրոցում մասնակցեցին ընդհանուր թվով 27 ծնող: Այս խմբի հետ կիրականացվեն 5 հանդիպումներ, որոնք նվիրված կլինեն ծնողավարությանը, դեռահասի զարգացման առանձնահատկություններին, ինչպես խոսել երեխայի հետ սեռականության մասին, երեխաների սեռա-տարիքային առանձնահատկություններին և երեխաների նկատմամբ բռնությանը…:

Հոկտեմբերի 19-ին Եղվարդի թիվ 3 հիմնական դպրոցի VIIգ-ի դասղեկ  Ալլա Իսահակյանը կազմակերպել էր դասղեկի ժամ` նվիրված Ֆրանկոֆոնիայի միջազգային օրվան և լեգենդ Շառլ Ազնավուրին:

Եղվարդի թիվ 3  հիմնական դպրոցի  I  դասարաններում այսօր տոնական տրամադրություն էր: Անցկացվում էր Ա հնչյուն-տառի շնորհանդեսը:

Նախ՝ դասարաններում ուսուցանվեց Ա  հնչյուն-տառը  /դասվարներ՝ Ռ. Արսենյան,  Ս. Մարտիրոսյան, Ա. Ավագյան/: Հետո աշակերտները դպրոցի բակում կազմեցին Ա  տառը, երգեցին Ա  տառի երգը: Երեխաներին հանձնարարվեց կավիճով նկարել նկարներ, նկարների տակ գծել գծապատկերները, ներկել Ա  տառը: Այնուհետև երեխաները  <<Ուրախ գնացքով>>, երաժշտության ներքո  ուղևորվեցին <<Սուրբ Սարգիս>> եկեղեցի: Այնտեղ կատարվեց երեխաների օրհնության կարգ:












Սեպտեմբերի  21-ին հայությունը նշում է  ՀՀ Անկախության տոնը: Մեր երկիրը 27 տարեկան է: Եղվարդի թիվ 3 հիմնական դպրոցում տիրում էր տոնական տրամադրություն:  Ուսուցչուհի Ալլա Իսահակյանը և  ” Երգի ու պարի”  խմբակի ղեկավար  Հասմիկ Մկրտչյանը կազմակերպել էին միջոցառում-ֆլեշմոբ, որին մասնակցում էին դպրոցի տարբեր դասարանների աշակերտներ և  III  դասարանցիներ՝ դասվարներ Լ. Թորոսյանի, Ա. Սարդարյանի և Ս. Ադամյանի գլխավորությամբ:

     Շնորհավո՛ր  անկախությունդ,  իմ  հա՛յ  ժողովուրդ, շնորհավո՛ր անկախությունդ,  մա՛յր Հայաստան:

ՀՀ ԱԻՆ Եղվարդի  ՀՓՋ-ի 1-ի հերթափոխի պետ՝ փրկարար ծառայության ենթասպա  Սուրեն Աբրահամյանի կողմից ս/թ սեպտեմբերի 10-ին Եղվարդի թիվ 3 հիմնական դպրոցում անց է կացվել արտակարգ իրավիճակների՝ երկրաշարժ, սողանք, ջրհեղեղ թեմաների, վտանգների սպառնալիքների դեպքում բնակչության կողմից  կատարվելիք գործողությունների վերաբերյալ  սեմինար պարապմունք:

Սեպտեմբերի 8-ին տեղի ունեցավ համապետական շաբաթօրյակ, որին մասնակցում էին Եղվարդի թիվ 3 հիմնական դպրոցի աշակերտները և ուսուցիչները: Մաքրվեց դպրոցն իր հարակից տարածքով:

2018 -2019 ուսումնական տարվա մեկնարկի կապակցությամբ սովորողների անվտանգությունը, հասարակական կարգն ու ճանապարհային երթևեկության անվտանգությունն ապահովելու նպատակով ՀՀ ոստիկանության ճանապարհային ոստիկանության ստորաբաժանումների և տարածքային ստորաբաժանումների անչափահասների գործերով և ընտանիքում բռնության կանխարգելման բաժանմունքների ( խմբերի) ծառայողների անմիջական մասնակցությամբ սույն թվականի սեպտեմբերի 7-ին կազմակերպվեց հանդիպում 8ա դասարանում: Ոստիկանության ներկայացուցիչները բացատրեցին երթևեկության կանոնները, դրանց պահպանման անհրաժեշտությունը և պատասխանեցին երեխաներին հետաքրքրող հարցերին:

Ուրախ ու բարձր տոնական տրամադրությամբ, երգ ու պարով Գիտելիքի օրը Եղվարդի թիվ 3 հիմնական դպրոցը իր հյուրընկալ դռները բացեց իր սաների, ծնողների ու հյուրերի առջև: Շուրջ հարյուր փոքրիկների համար հնչեց առաջին զանգը և բացվեցին գիտելիքների զարմանահրաշ աշխարհի դռները:
Ներկաներին շնորհավորեց դպրոցի տնօրեն Լ. Աղայանը` աշակերտներին ու ուսուցիչներին մաղթելով հաջողություններով, ձեռքբերումներով ու հաղթանակներով լի ուսումնական տարի:
Շնորհավորական ուղերձներ էին հղել Կոտայքի մարզպետ Ռ. Պետրոսյանը, ոստիկանապետ Վ. Օսիպյանը, Եղվարդի համայնքապետ Ն. Սարգսյանը:

 

Բարի երթ սիրելի շրջանավարտներ…

21.05.2018 թ. Եղվարդի թիվ 3 հիմնական դպրոցի դահլիճում թևածում էր ռազմական ոգին: 7-րդ ա դասարանի աշակերտները (դասղեկ՝ Ս. Մկրտչյան) Սաթիկ Գալուստյանի հետ ” Իմ Հայաստան” խորագրով ներկայացրեցին էջեր հայոց պատմության հերոսական անցյալից: Հայկյան Արամից մինչև Արամ Մանուկյան, Ավարայրից՝ Սարդարապատ, Սարդարապատից՝ Շուշի:
”Հայրենիքը հզոր է հզոր բանակով, բանակը հզոր է հզոր հայրենիքով” հնչում է միջոցառման վերջում:

Մայիսի 16- ին Եղվարդի թիվ 3 հիմնական դպրոցի դահլիճում փոքրիկ տոն էր` այբբենարանի հանդես,որը կրում էր << Գիտելիքն ավելի արժեքավոր է, քան ուժը>> խորագիրը: Օտար լեզուների իմացությունը միշտ էլ բարձր է գնահատվել, որովհետև, ինչպես առակն է փաստում, քանի լեզու գիտես , այնքան մարդ ես: Այսօր 3- րդ բ դասարանի (ուսուցիչներ` Լ. Դանիելյան, Է. Վասիլյան) աշակերտներն ավարտեցին անգլերենի այբբենարանը և սկսեցին իրենց հաստատուն քայլերը կատարել անգլերեն լեզվի զարմանահրաշ աշխարհում:

Մայիսի 15-ին տոն էր Եղվարդի թիվ 3 հիմնական դպրոցի դահլիճում: I գ դասարանցիները (Դասվար՝ Ս. Մկրտչյան) հրաժեշտ էին տալիս սիրելի այբբենարանին: Երեխաները ուրախ երգ ու պարով երդվեցին, որ երբեք չեն մոռանա հայերենը և հայրենիքը:

Մայիսի 11-ին I բ դասարանը (Դասվար՝ Ա. Հովհաննիսյան) Եղվարդի թիվ 3 հիմնական դպրոցի բեմում ներկայացրեց Մ. Մաշտոցի և հայոց տառերին նվիրված հանդեսը:Պատմական էքսկուրս կատարվեց հեռավոր 5-րդ դար, որը Մաշտոցի շնորհիվ կոչվեց Ոսկեդար: Երեխաները փոքրիկ դերասանների նման պատմում էին, երգում և արտասանում:

Մայիսի 10-ին Եղվարդի թիվ 3 հիմնական դպրոցում տոն էր: I ա դասարանի աշակերտները (դասվար` Լ. Արզումանյան) հրաժեշտ էին տալիս այբբենարանին: Ծրագրում տեղ էր գտել նաև հայրենասիրական թեման: Հնչեցին երգեր` օրվա թեմային նվիրված: Աշակերտները մեսրոպաշունչ հայերենով երգեցին ու ասմունքեցին:

04.05.2018թ.《Խաղաղություն թող ըլլա 》 խորագրով միջոցառում էր կազմակերպել Եղվարդի թիվ 3 հիմնական դպրոցի ուսուցչուհի Ա. Նարինյանը 4 — րդ “ա” և 8-րդ” բ “դասարանների աշակերտների հետ։
Թող խաղաղությունը թևածի աշխարհում, թող մանուկները մեծանան կապույտ ու անամպ երկնքի տակ։

Ի հիշատակ մեր անմեղ
զոհերի ,
Եվ ընծա այն հրեշտակներին,
Որ եղեռնի օրերին,
Նրանց հոգիներն էին փրկում…

Ապրիլի 26-ին Եղվարդի թիվ 3 հիմն. դպրոցում անցկացվեց ֆլեշմոբ՝ նվիրված Մեծ Եղեռնի 103-րդ ամյակին: ,,Շարունակում են ապրել և արարել ,, թեմայի շրջանակներում 6-րդ գ դասարանի աշակերտները (դասղեկ՝ Ա. Իսահակյան) ներկայացրին գեղեցիկ պար:

Ապրիլի 14-ին անցկացվող համապետական շաբաթօրյակին մասնակցում էին Եղվարդի թիվ 3 հիմնական դպրոցի աշակերտները և ուսուցիչները: Մաքրվեց դպրոցն իր հարակից տարածքով և դասասենյակներով:

Յուրաքանչյուր չորեքշաբթի Եղվարդի Սուրբ Սարգիս եկեղեցում տեղի է ունենում Խոկման արարողություն: Արարողությանը մասնակցում էին Եղվարդի թիվ 3 հիմնական դպրոցի աշակերտները: Այնուհետև աշակերտներին հուզող բոլոր հարցերին պատասխանեց Տեր Հովսեփ քահանան:

29.03.2018-ին Եղվարդի Սուրբ Սարգիս եկեղեցում կատարվեց ոտնլվայի արարողություն: Արարողությանը մասնակցեցին Եղվարդի թիվ 3 հիմնական դպրոցի 12 մկրտված աշակերտներ: Արարողությունից հետո հավատացիալներին բաժանվեց օրհնված կարագ:

25.03.2018 թ-ին Եղվարդի Սուրբ Սարգիս եկեղեցին նշեց Ծաղկազարդը: Պատարագին մասնակցեցին Եղվարդի թիվ 3 հիմնական դպրոցի աշակերտները: Պատարագից հետո կատարվեց մանուկների օրհնության կարգ: Հավատացիալներին բաժանվեց օրհնված ուռենու ճյուղեր: Այնուհետև Հայոց եկեղեցու պատմության ուսուցչուհի Ա. Մարտիրոսնաը Ծաղկազարդի թեմայո%D